FH-dagur á sunnudag

Eins og flest ykkar ættu að vita þá er næsti sunnudagur mikill FH dagur en þá fara fram í Kaplakrika tveir stórleikir, bæði í handbolta og fótbolta. Um er að ræða þriðja leik í úrslitaeinvígi FH og HK í handknattleik og fyrsta leik FH í Pepsi deildinni 2012 gegn Grindavík. Af þessu tilefni ákváðu handknattleiks- og knattspyrnudeild að slá saman í einn stóran FH dag í Krikanum. Nú er búið að setja upp glæsilega dagskrá en hún er svo hljóðandi:

14:45 – 15:45 – Grillið fer í gang – Hamborgarar og meððí - Spikfeit legend á grillinu

15:00 – 15:30 – Bjartmar Guðlaugsson á sviði í tengibyggingu

15:45 – 17:30 – FH vs HK

17:45 – 18:45 – Grillið fer í gang – Meiri hamborgarar og meððí - Mögulega enn feitari legend á grillinu

18:00 – 18:30 – Pollapönk fer í gang í tengibyggingunni.

18:30 – 18:45 – Guðlaugur Baldursson fer yfir leikinn.

18:30 – 19:00 – Knattþrautir í Risanum undir handleiðslu Krissa Curver

19:15 – FH vs Grindavík

Við vekjum athygli á því að Rio Tinto býður FH-ingum á leik FH og HK en einungis ef miðar eru sóttir milli kl. 11-13 í Kaplakrika á sunnudag.