Æfingar næstu daga

Fimmtudagur: 19:30 - 21:00 (allir).
Föstudagur: 19:00 - 20:00 (yngra ár), 20:00 - 21:00 (eldra ár)
Laugardagur: Frí
Sunnudagur: Frí
Mánudagur 20:00 - 21:00 (yngra ár), 21:00 - 22:00 (eldra ár).

Allar æfingar eru í Risanum.

Eins og við sögðum ykkur á mánudaginn þá munu árgangarnir æfa saman fyrstu vikuna en svo munum við þjálfararnir skipta hópnum í tvo æfingahópa eftir styrkleika. Það gerum við til þess að þið fáið meira út úr æfingunum. Í svona stórum hópi eru ekki allir á sama stað, hvorki í tækni né leikskilningi og þetta auðveldar okkur að hafa æfingarnar þannig að þið fáið sem mest út úr þeim.
Að sjálfsögðu eru einhverjir leikmenn sem eru á grensunni, þ.e.a.s. gætu bæði verið í A- og B-hópi, en einhversstaðar verðum við að draga línuna. En athugið að þessi skipting er ekki grafin í stein, ef við t.d. sjáum einhvern í B-hópi taka miklum framförum og við teljum að hann ætti að vera í A-hópi þá þá færum við viðkomandi í A-hóp o.s.fr.v.

Í næstu viku er svo stefnan sett á að halda foreldrafund þar sem við munum kynna starfið framundan og eins munum við halda fund með ykkur leikmönnum.