Mexíkó unnu öruggan sigur í Jóhannesarborg

Tútú biskup var meðal áhorfenda í Jóhannessarborg í gær þegar Mexíkó tók á móti Ný-Sjálendingum í fyrsta leik B-riðils. Mikil spenna var fyrir leikinn hjá Ný-Sjálendingum (eða þeim hvítu!) sem voru að leika úrslitakeppni HM í fyrsta skipti í 28 ár, eða síðan á HM á Spáni '82 en þá hljóðrituðu þeir þetta skemmtilega lag!
Mexíkó lék í appelsínum varabúningum og tóku strax öll völd á vellinum og Siggi Lopez opnaði markareikning sinn á mótinu með góðu marki en samkvæmt veðbönkum eru líkurnar 1/4 að hann verði markakóngur HM. Nýja-Sjáland fóru smám saman að leika sinn bolta og koma sér inn í leikinn. Það var þó ein hindrun sem þeir komust ekki framhjá en það var Gunni Campos í marki Mexíkó sem varði hvað eftir annað meistaralega. Aggi Aqueiro, sem virðist fæddur með markanef, skoraði annað mark Mexíkó og Siggi Lopez stráði svo saltinu eins og starfsmaður hjá Hafnarfjarðarbæ yfir svellbunka á köldum vetrardegi og skoraði þriðja markið. Athygli vakti miðvarðarpar Mexíkó sem gaf fá færi á sér!