Sigur og tap í fyrstu leikjunum

A2-liðið lagði Grindavík að velli í morgun 6-0. Siggi Ó 2, Baldur Búi 2, Kormákur 1 og Hrólfur 1 settu mörkin. Þið spiluðuð vel og það var fínn bragur á liðinu og gaman að halda hreinu.

A-liðið tapaði 3-4 fyrir Keflavík seinna í dag. Leon kom okkur yfir snemma leiks en Keflavík jafnaði. Anton Gunnar kom okkur aftur yfir eftir skyndisókn en við fengum á okkur afar ódýr mörk á síðustu mínútum fyrri hálfleiks og Suðurnesjamenn leiddu í 2-3 í hálfleik. Þeir bættu svo fjórða markinu við í byrjun seinni hálfleiks en Bjarki minnkaði muninn 5 mínútum fyrir leikslok en við náðum ekki að jafna.

Mér fannst við vera lengi að ná taktinum í leiknum en eftir svona 25 mínútum þá náðum við betri tökum á leiknum og héldum boltanum betur. Þess vegna var það klaufalegt að fá þessi mörk á okkur í lok fyrri hálfleiks. Í seinni hálfleik var jafnræði með liðunum en við fengum því miður ekkert út úr leiknum.

Þetta voru fyrstu leikirnir á nýju tímabili og það var gaman að sjá ykkur aftur í 11-manna bolta. Það voru fjölmargir leikmenn að stimpla sig inn og það er ljóst að það verður góð samkeppni um sæti í liðinu, þannig á það að vera.